2014.9.21 自煮晚餐

好耐冇下廚啦! 

整返餐西式海鮮餐 ^^

柚子蝦沙律

一魚兩味 ^^

三文魚配威士忌檸檬汁

(有支唔好飲帶甜嘅威士忌, 一於用嚟煮嘢)

香煎三文魚

香草蜆肉意粉

(啲蜆大部份起肉, 留返幾隻做裝飾)

藍莓,士多啤梨果醬 (附食譜)

藍梅, 士多啤梨 共約 600 g, 糖 170 g, 檸檬汁 1/2個, 另外檸檬皮半個至一個(不要太多白色部份, 因為會帶苦澀味)

首先把樽用熱水消毒, 掠乾至完全沒有水份

1. 半份糖加檸檬汁拌勻

2. 藍莓, 士多啤梨洗淨抹乾, 士多啤梨切粒 (我鍾意有少少果肉口感, 所以我會切到有大細size), 加入半份糖及檸檬汁攪勻，放入雪櫃至2小時

3. 兩小時後會釋出水份, 不要倒掉. 轉至鑊/煲 加入餘下糖及檸檬皮煮至士多啤梨及藍莓至軟身, 收細火, 邊煮邊攪拌(以防黐底).

4. 在沸騰時, 會產生浮沫, 用湯匙不停把浮沫撈取, 煮至沒有浮沫產生, 直至泡沫呈現光澤, 取走檸檬皮, 再煮至杰身便成.

5. 趁熱倒入已消毒瓶中 (需預留少許空隙位置, 不要倒太滿) , 稍涼後上緊瓶蓋. 待完全涼後放入雪櫃, 可可保存1個月. 

** 檸檬皮可不加, 只是加入一起煮果醬會有少少檸香味

Today's Thought

放棄只需一瞬間的念頭，

然後不顧而去，多麼容易；

堅持是長時間的奮戰，

需要耐心、毅力、信念、不怕挫敗.... 

堅持..是達到成功最大的因素和條件,

放棄..註定會失敗!

攝．雪兒

Baked Cheesecake with Raisins (附食譜)

為我教練而整嘅生日蛋糕, 成班跑友都讚不絕口! 好開心呀! 

6 " 模 ( 以蒸焗法 )
我係用慕士模, 所以預先用牛油紙包好底部, 再包上兩層錫紙確保烤焗時不入水.

餅底材料 : 無鹽牛油 50g, 消化餅/Oreo 100g

酒浸提子材料及做法 :
提子乾 50-80 g (個人喜好), 冧酒/威士忌 隨意 (蓋過提子乾多少許)
1. 提子乾浸於酒中待用. (最好有5-6小時, 約酒被吸收, 可再加少許酒)
2. 如果不好酒人仕, 可於混合芝士糊前, 把以浸酒提子乾, 連酒加少許糖煮至酒精揮發.

餅底做法 : (預熱焗爐)
1. 把餅乾壓碎 (如果是orea便要把中間的忌廉拿走才壓碎)
2. 無鹽牛油以小火煮溶後, 混合已壓碎餅乾碎
3. 再倒入模內壓平, 放入已預熱焗爐, 以150度烤焗約10~12分鐘, 出爐後放涼備用

芝士糊材料 : 忌廉芝士 300g, 酸忌廉 150g, 糖 80g, 蛋 2只, 雲利拿條 1/3條 or 雲利拿油 1 tsp, 淡忌廉 50g

芝士糊做法 : (預熱焗爐)
1. 酸忌廉與沙糖拌勻 (用手打蛋器便何)
2. 加入忌廉芝士, 用電動打蛋器, 以低速打至軟滑無粒狀
3. 加入雲利拿籽/油
4. 蛋打勻後, 分兩次拌入芝士糊中, 輕輕打勻便可, 不要打得太久 (如果打得太久, 會影響口感, 不夠軟滑)
5. 加入已沒浸酒提子
6. 最後以手打蛋器拌入淡忌廉, 拌勻便可
7. 倒入模中 (若想在表面加花紋, 可預早把少量朱古力隔水坐溶, 在芝士糊上輕輕滴上朱古力醬, 再用牙籤隨意畫出花紋)
8. 把水注入烤盆中, 以130度坐水焗1小時, 焗完後打開爐散熱1-2分鐘, 以便把水蒸氣散走.
9. 再把爐門關上. 確保爐已熄, 以餘溫再悶焗1小時.
10. 取出後, 待涼後放入雪櫃, 雪約8小時後便成.

Vanilla Mousse

用杯整, 可減少魚膠.

令入口溶化, 口感好似綿花糖!
加上用雲尼拿條煮奶, 所以特別香!
連我唔食都食咗一杯! 

Layer Birthday Cake (柚子蜜乳酪芝士,紅桑子夾心蛋糕)

有三個朋友生日, 諗咗好耐... 整咩好呢.. 於是....... 就諗到呢個組合啦!

海綿蛋糕底+柚子蜜乳酪芝士+紅桑子果凍+柚子蜜乳酪芝士+雲尼拿慕士+紅桑子鏡面

個晚食中菜, 之後配返呢個酸酸地嘅蛋糕!
果然係好夾! 決定係無錯嘅! 話事話, 呢個柚子蜜乳酪芝士餡.. 我係未整過架...
估估下, 溝溝下... 又搞掂!

嘻嘻~ 你哋又做咗我嘅白老鼠啦！

仲有，第一次玩藝術糖，未係好掌握到。

可能.. 天氣太熱啦... 一出一入... 去到酒樓.. 到食個時... 啲糖軟軟地同溶溶地...

好彩入盒前.. 影咗個真身! hehe.


最後.. 大家對我個蛋糕讚不絕口!
好開心喔! 

Today's Thought

快樂是有限的

痛苦同樣是有限的

只有回憶是無限

有些回憶是暗淡的 

有些回憶是絢爛的

就看你在哪兒想起它們

攝  雪兒
文  改自網絡

Today's Thought

不回望過去的苦惱

相信明天會更好

每天黑暗過後總會有黎明的一刻

攝 雪兒     澳洲．黃金海岸

元朗農場鮮奶有限公司

終於去試啦!

佢哋啲鮮奶真係好正!

好香奶味, 又夠凍! 好好飲!

由最初我order一杯, 到之後.. 忍唔住叫多盒中裝飲 ^^

 雪菜肉碎撈烏冬, 只限星期六, 日先有供應
.
個烏冬好彈牙, 好好味!
餐蛋出前一丁, 餐肉煎到好香口! 丁麵唔會over cook!
 又係好正!
不過杯奶茶就..... 奶太多啦... 冇茶味... 一定唔會再叫!
杯鮮奶咖啡還可以.. 咖啡味都算濃..

 

最後當然要試佢哋…即撞薑汁奶!

香濃薑味加奶味!

其實我仲想試佢嘅茶葉蛋, 芒果布丁... 可惜太飽.. 已經食唔落啦...

下次.. 一定要再試其他嘢!

農場鮮奶有限公司

地址 : 元朗石崗甲龍村雷公田78號 

Earl Grey with Rum Raisin Cream Roll (附食譜)

蛋糕材料 (雪芳蛋糕底) : 卷蛋, 我係用24 x 33 cm 焗盆

蛋黃 3隻, 蛋白 4隻, 砂糖 70g, 熱水 80-85g, 菜油 35g, 低粉 70g, 伯爵茶包 2包 

忌廉材料 : 淡忌廉 150 g, 糖 10 g, 酒浸提子 隨意

做法 (預熱焗爐170度) 

1. 把1個茶包放入熱水中泡茶備用 (最後只要茶水 70g) 

2. 蛋白打至起泡, 然後把40g糖分三次加入, 打至企身 (打完可先放雪櫃) 

3. 蛋黃加30g糖打至淡黃色 

4. 把70g茶水加進蛋黃糊中拌勻 

5. 再加入菜油拌勻 

6. 加入餘下的一個茶包, 把茶葉碎加入蛋糊中 

7. 最後加入己過篩之麵粉, 一起拌勻 

8. 取1/3蛋白霜加入蛋黃糊中拌勻 

9. 再把(8)的麵糊倒回蛋白霜中輕手拌勻, 倒入模內, 以 200度焗約10-12分鐘 

10. 蛋糕出爐後放在架上待涼, 把蛋糕轉往新的牛油紙上 (我個人喜愛以底作卷蛋面)

11. 忌廉, 糖一起打至半硬身, 再加入酒浸提子打至硬身

12. 塗上忌廉抆平 (頂端塗抹多點) 卷起定型, 放回雪櫃雪約1小時便成. 

907 第三十屆『泰基盃』十公里

久休後第一場10K比賽

又挑戰俗稱"魔鬼賽道"嘅泰基盃10K！
地點：西貢北潭涌郊野公園

再次同跑友一齊落場參加比賽，心情好興奮！

賽前預計比上年差，抱住輕鬆跑心態！
結果比上年快咗2分鐘！勁開心！
我估因為當日唔係好勁太陽！時陰時晴．

跑完嘅我，變成一個水人了．
今日嘅表現，
令我對日後大阪馬長課有一定嘅推動力！
得返一個月多啲咋．．．
我要加大油先得啦！

Blueberry Cheesecake (附食譜)

材料 (9") :

餅面
忌廉芝士 300g
牛奶 170g (分成兩份 100g + 70g)
砂糖 120g (原食譜135g) (平均分成2份)
蛋黃 55g
魚膠片(浸軟) 12g
淡忌廉 370g (打起)

餅底消化餅碎 150g
牛油溶液 65g
藍莓醬 200 ~ 250g (我用咗200g)

做法 :

1. 餅碎加牛油溶液拌勻後, 倒入模中壓平, 放入雪櫃備用
2. 忌廉芝士室溫放軟後, 打至滑身
3. 100g牛奶和1半糖煮沸
4. 70g牛奶, 1半糖和蛋黃一起攪勻. 將熱牛奶倒入蛋黃奶中攪勻, 再倒回煲內. 邊搞邊煮至80度 (即煲邊起泡便要熄火+離爐)
5. 加入已浸軟魚膠攪至魚膠完全溶解, 過篩, 待微暖, 分數次加入芝士糊中, 再以慢速攪拌.
6. 分兩次加入淡忌廉, 邊加邊拌成芝士餅漿, 最後倒進餅底模上.
7. 放入雪櫃冷凍, 最後加上藍莓醬