21.1.12 Lunch Time 隨心跑

Lunch time食個包，即刻換件衫，

由公司跑出西九，

影張相，出少少汗，

感覺已經不錯。

21.1.9 隨心跑

天寒地凍出門跑已經嬴了心魔！

一切隨心💙 

1.21 渣打馬拉松

又完成第七隻全馬💪

未病好晒以平常心去上線

雖然未能做出好成績

但平安及比預期快咗少少完走。

好感恩...因為差點完成唔到...

差點........

所以...真係好開心同感恩。

2016.11.20 神戶馬拉松

神戶馬終於順利完走！完成第五隻馬拉松啦！
今日Fun Run心態下順利完成，喺冇壓力下做出理想成績…雖然冇PB, 但係已經係第二隻好成績！好感恩，多謝天主保佑冇大傷痛下完走❤亦都要多謝我嘅家人好多支持同鼓勵！仲有幾個關心跑友支持😘
衝線一刻，忍不住流下淚…

2016.10.22 神馬前準備3

 19K啦！比上星期多3K!

 跑完對腳好似唔係自己咁…

下午3點幾開始跑，又曬又熱…

點解打完風都咁熱架...

5K好想放棄…

我同自己講唔可以再咁！

唯有搵有陰嘅地方跑，

於是就鎖定青衣海濱來回不停跑…

咁熱之下，雖然好慢, 我覺得收貨啦！

我要Keep住團火！繼續努力！

 在青衣海濱公園長廊.

另外相入面支椰青水好好飲.
我覺得比其他運動飲料仲快上返力同冇咁甜.
值得試!

2016.10.15 神馬前準備2

終於可以上到16K啦！

長課感覺開始返嚟啦！

多謝希哥希嫂即興結伴長課，

今日比上次感覺好好多！

有伴果然唔同！😊

 依然在黃金海岸沙灘長廊來回傻跑 。

2016.10.8 神馬前準備1

久違13K長課…半年以上冇超過8K啦..

狀態未回復，龜速下完成…

我覺得已經收貨啦！

係時候要加把勁啦！

盡快投入返練習！💪💪

在黃金海岸沙灘長廊來回跑.

2016.3.13 名古屋馬拉松

馬拉松當天

一出車站

所有人都朝向同一方向行

很多工作人員指示

寄完行李…與其他跑友失散了…

唯有一個人上線等起跑…

很多人, 這裡只是其中一個起步區

在只有3度寒冬天氣下, 穿上便利雨衣擋下嚴寒

起跑了!! 加油!

部份打氣支持者

由於要專心跑步.. 所以只隨意拍下幾張

帶住淚水衝過終點後的一刻

今年完走的Tiffanty限定頸鏈及Niki完走Tee

集得好少郵呀...

終於完成人生第四隻全馬…

這隻全馬在不足夠時間下練習長課……

跑至32K之後, 體力及耐力慢慢失去...

開始邊行邊跑... sub 5之夢被破碎...

這亦是一個很好的教訓, 沒有付出, 何來成功呢...

最後.. 亦能夠在預期內(5:30)完成…已非常感恩…

在接近終點時, 聽到會場播著"Dancing Queen"

用最後一口力氣.. 帶住開心淚水去衝線…

最後以5小時23分鐘完走.

多謝一班好好的女子組鼓勵及家人支持. 

2016.3.12 名古屋到着

中午到步後，

周圍也能看見名古屋馬拉松的海報。

令興奮心情不停提升。

去領取號碼布前吃個名古屋名物

鰻魚飯三吃

這裡便是起跑點……

心中突然出現………42.195........

不求時間，但願順利完走。

取完號碼布後…

再加碳！

1.17 渣打馬拉松

 今年終於可以報仇成功！順利完走！！

狀態麻麻.. 水戰 加 陰影下…

長課練習又不足夠…

可以以5:17完成…

比我預期快…

過終點個一刻.. 淚水終於忍不住流出…

今年渣馬可以用『水馬』去形容… 

跑到昂船洲大橋…青馬橋…汀九橋…

跑呢三條橋好像『倒水』般…
由於身體未能散熱...
雨衣又除又著...
最後終於放棄雨衣.. 

在雨下傻傻地跑...

當跑出長青隧道個一刻..
心中陰影終於被克服...
之後再一步一步慢慢向西隧方向前進...

走出西隧.. 再望望時間.. 即使我用行的方法...
我也可以在6小時內完成....
心情放鬆下... 開始決定邊行邊走去完成.

最後可以完走…沒有受傷... 實在太感恩!

齊齊做足準備迎戰『水馬』

上線前嚟張大合照先!

完成第三隻馬, 好開心呀!

已經克服心魔! 開始放胆去練習!

為我第四隻馬(名古馬女子馬拉松)努力!

願…平安順利完走

上年身體不適加腳傷…

支撐到24K左右…

被迫放棄…

今年為咗報仇…再戰渣打全馬!

由於上年腳傷陰影…

不敢太快及太長的長課…

在心中…不求成績…

只望限時(6小時內)完成…

便心滿意足。

可惜…

明天預測下大雨及強風…

在這惡劣天氣下…

加上我最近嚴重失眠…

真的可以順利完走………？？

擔心中……………

12.5 渣馬長課

 渣馬就到啦…再唔練習唔夠時間啦！

今日長課係落雨及大風下超額完成！

大概跑到13-14K落大雨……

又大風…成身濕晒…有啲凍凍地…但堅持照跑…

跑到19K見到有7仔,

 即刻走去買支熱麥精暖下身先~ 

好耐冇飲過~可能好凍…

覺得呢支麥精特別好飲！

由本來計劃26K, 見身體還可以，最後加多2K

最後總算堅持下超額完成28K!

荃灣西 ｰ> 新屯門中心 ｰ> 小欖

2014.11.16 美津濃城門河10K比賽

天未光, 準備向沙田出發!

未開始前, 好多人跑圈warm up

 完成今年最後一個10K比賽！

今朝好熱好曬！未能PB ... 

但係可以低於59分鐘完成…

以咁嘅天氣，已經非常滿足！

身體體力關係.. 今年只報了兩個10K比賽...
成績還可以.. 

今日亦當係渣馬長課第二課！

我會繼續為明年渣馬努力

2014.11.09 ASICS 天水圍 10K 賽

大阪馬完咗兩星期, 又一個10K賽事!

今次比上年快咗3分幾鐘. 以58:40完成! 好開心PB咗! 其實有咁成績真係好意外!

因為我失眠咗幾日... 非常唔夠瞓下完成! 曾經有想過放棄唔參與...

但堅持嘅我.. 最後寧願選擇慢啲跑.. 都唔放棄.. 

我真係好眼瞓架.. 連GPS錶都冇拎.. 喺冇錶睇住時間, 邊跑邊好眼瞓, 心中只想快啲完成! 意外地做出好時間!

呢個10K比賽,  亦當係渣馬長課嘅開始！

我個樣超攰...... 超殘.....

2014.10.26 大阪馬拉松之行

人生第二隻馬拉松, 今次仲係要衝出香港!

參加第四屆大阪馬拉松

一到步就去領取號碼布! 同埋入EXPO大放血!

原本以為可以PB... 點之... 天氣太熱啦......... 

SUB 5唔到... 仲要5小時18分鐘完成......

過往三屆紀錄只係十幾度... 點之.. 當日有成27-8度..

好熱.. 好曬.. 跑得非常辛苦...

完成到.. 已經俾個"叻"自己!

衝線一刻.. 冇感動嘅感覺.. 只有終於都捱完啦...

好鍾意條FINISHER毛布. 跑過終點, 即刻有義工拎嚟包住參加者.

呢個完成獎牌.. 令我好大感觸...

練習期間... 發生好多錯敗感....

當中好多次.. 5-7K左右... 體力不足.. 未能完成多次長課...

好彩.. 最後都可以完成到..

個牌真係好靚好靚! 

907 第三十屆『泰基盃』十公里

久休後第一場10K比賽

又挑戰俗稱"魔鬼賽道"嘅泰基盃10K！
地點：西貢北潭涌郊野公園

再次同跑友一齊落場參加比賽，心情好興奮！

賽前預計比上年差，抱住輕鬆跑心態！
結果比上年快咗2分鐘！勁開心！
我估因為當日唔係好勁太陽！時陰時晴．

跑完嘅我，變成一個水人了．
今日嘅表現，
令我對日後大阪馬長課有一定嘅推動力！
得返一個月多啲咋．．．
我要加大油先得啦！