Lime Yogurt Cheese Cake

幫同事仔仔整嘅生日蛋糕

祝你生日快樂！健健康康！

Photo by HTC

食譜

近排超忙... 好多嘢都冇時間未出post呀...

Mango Cream Roll

近排芒果平, 又甜,

於是...

整快! 靚! 正嘅捲捲啦!

綠茶日式芝士蛋糕 (附食譜)

呢個芝士蛋糕無加麵粉,

出嚟效果好軟滑, 好輕嘅感覺,

會不知不覺中食多咗.

材料 : 8" 或 6"模兩個

忌廉芝士 250 g, 蛋 4隻, 鮮奶 170 g, 牛油 50 g, 綠茶粉 10g, 粟粉 40g, 糖 80 g

掃盆用牛油/菜油 適量

做法 : 

1. 把模具掃上油及鋪上牛油紙備用 (我是用固定模, 如果使用慕士模/活動模, 必須用鍚紙將底部包起來, 避免坐水烤焗時滲入水.)

2. 取1/3奶與粟粉混合備用

3. 雞蛋分開蛋黃及蛋白備用

4. 把忌廉芝士及牛油切成小塊, 及加入餘下2/3的奶, 用隔水加熱法把忌廉芝士及牛油攪拌至盡量沒有小粒, 加入綠茶粉拌勻, 之後熄火.

5. 芝士糊稍微放涼, 之後分4次把蛋黃加入芝士糊中, 加入後要立即攪拌均勻, 攪拌均勻後才加另一顆.

6.加入(2)的粟粉奶液拌勻, 如有小顆粒就過篩. (我通常都會過篩).

7. 蛋白分三次把糖加入, 打至濕性發泡, 不要打至過硬. (提起尖端呈微彎便可).

8.取1/3蛋白霜和芝士蛋糊混合, 再將混合完的蛋黃糊倒回2/3的蛋白霜內, 用刮刀輕輕混合均勻.

9. 混合後倒入模內, 採用隔水蒸焗方式. 先用200度焗至表面上色, 再調低至140度再焗約60分鐘. (如果8"模要焗約75分鐘)

10. 出爐後放在架上散熱, 待蛋糕邊呈現少許離模, 便要甩模再放回架上待涼, 目的令底部散去濕氣. 待涼後放入雪櫃雪至少3-4小時, 口感更好.

*** 溫馨提示 ***

* 蛋白霜打得太硬會令蛋糕表面爆裂

* 焗盆中的水, 約模具1/2

* 由於每個爐溫都不同, 約發現太快升高及有爆裂情況出現, 便要把門打開數秒散熱及將 爐火降底.    

5.24 遊走中上環飲食第一站 @ The Roaster Step By Step 。

今日出中上環走走，

喺摩羅街發現呢間特色咖啡小店。

一於入去Tea一Tea！

近門口落單位, 同埋畀人等外賣位置. 

直入用餐位置

Bar枱後, 清水係自助形式. 

咖啡唔錯，Cappuccino都有濃濃咖啡味，唔會被奶味蓋過。可惜拉花就…

"Sweet Potato Waffle" 

個waffle係order之後先整

新鮮出爐 外脆內軟

唔加糖嘅紫薯蓉, 食出原有蕃薯味

仲有配上唔甜嘅忌廉, 再加上vanilla雪糕一齊食

意想不到嘅配合! 不太甜! 至啱我! 

"Parma Ham & Cheese in Herbs Panini"

個包烘得好脆!!

配上新鮮生菜同蕃茄好fresh

餐廳內景, 給人好似一個家嘅感覺.

The Roaster Step By Step

地址 : 上環摩羅上街26號

5.24 遊走中上環之西環貨物裝卸區

由生日前開始.. 已經病緊, 大大大感冒... 

足足一個星期有多... 啲咳唔停.. 

生日當日都要留喺屋企渡過.. 

趁幾日假期.. 點都要出外走走.. 

一於去下近期熱點... 

去之前勁大雨, 好彩去到就停雨. 遠方仲有熱影..
落完雨... 海邊都無風嘅... 又熱又焗... 

啲咳又唔停..  落車影咗一陣相就走.. 

待我好返, 一定會拎埋相機再去多次! 

My Birthday 2015

今年生日在病榻下渡過...
但多得家人陪伴...
多謝你為我送上我至愛品牌蛋糕!
更加多謝各方好友的祝福!

今年生日雖然平淡地過
沒有生日週前週後飯局

平淡有平淡的開心
平凡便是福嘛. 

檸檬乳酪芝士蛋糕

用乳酪取代大部份cream

咁就冇咁肥

可以食多件都唔驚啦 XP