焗蟹蓋 (附簡單食譜)

其實呢個焗蟹蓋超易整, 只係工序比較多少少.

材料 :　肉蟹一隻, 洋蔥 半個(隨意), 蘑菇 少許, 栗米粒 少許(可不加), 麵包糠, 芝士粉  各少量(視孚蟹大細)

調味料 : 茄汁, 沙律醬, 黑胡椒, 鹽 (各少量)

做法 : 

1. 蟹沖洗後放入滾水中,以細火蒸15-20分鐘,待涼後拆肉放於大碗中備用.

2. 麵包糠與芝士粉稍為混合備用(我係用新鮮麵包打碎再混合芝士粉,口感比較鬆軟).

3. 落牛油爆香洋蔥, 蘑菇及粟米, 加入蟹肉中, 再放入適量鹽及黑胡椒粉調味.

4. 待涼後, 最後加入沙律醬拌勻(不用太多,視孚自己喜好, 呢個時候最好自己試試味道).

5. 在蟹蓋內塗上一層茄汁, 再饟入蟹肉材料, 最後放上已混和麵包糠 ( 在蟹蓋塗上一層茄汁, 主要令蟹肉味道上, 增加層次感, 可以不加亦可.).

6. 最後放入已預熱焗爐, 以200度, 焗至表面金黃色便成. 

•