清晨5點幾到達羽田機場,
近近地先去築地食返個早餐先
去築地,點可以唔去食大定呀~
之後行下行下搵到呢間『築地虎枚 魚河岸千兩』
我至鍾意小店,一於入去試下!
得一個師傅整魚生飯
我叫咗個超人氣魚生飯『三食』
呢個魚生飯真真唔錯!
入面有12款切粒魚生,
店員要我分開三次食。
1. 先將海胆放埋一邊唔好食住,
先食1/3魚生飯
2. 之後店員會幫我將海胆及切碎香菇拌入2/3魚生飯,
之後記住留返1/3唔好食呀
3. 食到最後,通知店員,
佢會將熱騰騰嘅昆布高湯加入魚生飯到,
魚生變熟,海胆又溶化咗,
即變成海鮮泡飯,啖湯充滿海鮮味,
一次過試唔同食法,大滿足呀!
食完閒逛咗一陣,
發現呢間買軟雪糕店舖,
見到佢用濃度高嘅忌兼去整,
一定好香濃奶味及滑,
再配上貓舌曲奇餅筒,
點可以唔試呀😁
其實……食完以上嘅嘢都係9點未夠…
早餐食成咁…有點過份…
唔緊要…因為要坐幾個鐘入鄉下😊
向下一站…秩父出發!
係食慣美食仲会烹调的人才会懂得咁食, 我就唔会了。
回覆刪除